Портали хизматрасониҳои нақлиётӣ

Низом барои баррасии дархостҳо ва додани иҷозатномаҳо дар соҳаи нақлиёт пешбинӣ шудааст. Ҳадафи асосӣ — содда ва шаффоф гардонидани раванди иҷозатдиҳӣ ва таъмини назорат аз болои фаъолияти субъектҳои инфрасохтори нақлиётӣ.

Низом барои ҳисобгирӣ, арзёбӣ ва тасдиқи мутобиқати корҳо ва хизматрасониҳо дар соҳаи нақлиёт ба талаботи меъёрию техникии давлатӣ пешбинӣ шудааст. Ҳадафи асосӣ — таъмини сатҳи баланди амният ва сифати хизматрасониҳо.

Низом барои ҳисобгирӣ ва назорати кори воситаҳои нақлиёт ва ронандагон, ки ба мусофиркашонӣ алоқаманданд, таъсис ёфтааст. Модул ин равандҳоро рақамикунонӣ мекунад ва ба гузариши тадриҷӣ ба иқтисоди рақамӣ ва хизматрасониҳои электронӣ мусоидат менамояд.

Бо мақсади назорати боркашониҳои байналмилалии автомобилӣ, ҳисобгирии истифода ва тақсимоти рухсатномаҳо ҳангоми ташкили нақшаи солона низоми электронии расмикунӣ ва додани рухсатномаҳои байналмилалӣ таъсис дода шудааст.

CMR — борхати байналмилалии нақлиёти автомобилӣ. Модул тамоми раванди CMR-ро рақамикунонӣ мекунад: тартиб додани ҳуҷҷат, тасдиқ, интиқол ва пайгирии байналмилалӣ.

Низом барои мониторинг ва пайгирии ҳаракати воситаҳои нақлиёт дар вақти воқеӣ пешбинӣ шудааст. Дастгоҳҳои GPS, ГЛОНАСС, Beidou ва датчикҳои мобилӣ маълумот дар бораи ҷойгиршавӣ, суръат ва самти ҳаракатро ба серверҳои марказӣ интиқол медиҳанд.

Тахографи рақамӣ — дастгоҳест, ки вақти рондан, истироҳат ва дигар фаъолияти ронандаро ба таври худкор сабт мекунад. Корти тахографи рақамӣ — кортест шахсии ронанда, ки барои муайян кардани ронанда ва сабти маълумот дар бораи кор ва истироҳати ӯ истифода мешавад. Насби тахографҳо дар воситаҳои нақлиёти барои боркашонии тиҷоратӣ истифодашаванда ҳатмист ва ба назорати риояи реҷаи меҳнат ва истироҳат мусоидат карда, хавфи садамаҳоро аз хастагии ронандагон кам мекунад.

E-TIR — шакли электронии китобчаи байналмилалии TIR барои содда кардани расмиёти гумрукӣ. RIT — рухсатномаҳо барои боркашониҳои байналмилалӣ, ки онлайн дар шакли электронӣ расмӣ карда мешаванд.